香港新浪網 MySinaBlog
« 上一篇 | 下一篇 »
占占 | 13-03-06 | 政治, 置頂 | (2571 Reads)
這個九鐵署理行政總裁黎文熹年薪達五百多萬,竟然"頂唔順"田北辰的問責 、公開和增加透明度的改革,上演一幕"迫宮"大戲,實在令人髮指。

在楊啟彥時代嘆慣封閉慣的九鐵頻頻出事,現在換上田北辰的新人事新作風,要求高了,問責多了,竟然來個"簽名運動",表面說"對事不對人",實際是"司馬昭之心",要推倒田先生。難道市民甘願政府換一個和稀泥上台,大家happy(只係九鐵happy),繼續年尾齊齊出花紅?

如果九鐵是私人公司,我們市民話之你籠裏雞怎個作反,自由市場自然會將你淘汰。可惜這間"獨立王國"卻是香港人的血汗錢來建立的,怎能讓你留戀舊有文化,自以為是?

在上一篇我已說過田先生有做得不好的地方,就是沒有直接與中層及基層溝通,靠一個沒有道德操守和與你意見相阻的人做代言人,怎會不出事?

田先生的解釋是不想繞過黎先生去接觸員工,現在正正就是黎先生繞過你去信管理局,真是諷刺。作為一間公司主席,是絕對有權,有理和有必要接觸公司上上下下的人。管理學中有一項叫management by wandering,就是鼓勵管理人(chairman or CEO)遊走公司,觀察日常運作和人事作風,而不是只在辦公室內紙上談兵。

接觸群眾,正是防備田先生所說的:「下屬不慣向上司講負面和反對的說話。」這文化尤其根植在中國人身上。當年董建華身邊有多少人會講他不喜歡聽的說話?他自己又會講多少中央不想聽的說話?廿三條考慮去馬時,他身邊人人都說無問題,最終搞出大頭佛,胎死腹中,連葉劉也賠上政治前途。

要有rational decision, 等同要有informed decision。溝通不單是主席要sell自己的理想,也同時是把脈,知道員工對改革反應的溫度。今次壓力煲爆發,事前應該是有徵兆,或許可作疏導。

至於這位黎叛將,之前竟然不好好與主席商討,還帶頭抗拒改革,私下搞叛變。試問這種人怎可帶領九鐵,怎得香港人的信心?誰個做其上司,真的「有得震冇得訓」。

如果我年薪五百幾萬加花紅,再多一點問責我都受得起。你份人工係包埋問責架,黎生!


[11]

完全感受容子所說及支持悶蛋,我就係長期處於睇唔過眼其他高薪管理人做法,被他們孤立,而又在自己能力國度中,堅持認為正確的管理態度;於是換來永恆地被圍攻追著打壓!


[引用] | 作者 Bee | 19-03-06 | [舉報垃圾留言]

[10]

容子,你先生的做法絕對正確,這才是一個真正領袖應做的。


[引用] | 作者 亞占 | 16-03-06 | [舉報垃圾留言]

[9]

「我年薪五百幾萬加花紅,再多一點問責我都受得起」

 問題係而家好多高薪的人都覺得人工越高就越應該唔洗做咁多...悶蛋的同事也是這樣,人工越高的就越不做,要d細o既做兼有問題時就拉個細o既出來去死,悶蛋最睇唔過眼,雖然佢都係人工高o個隻,但佢就會同d細o既一齊做,有穫佢就自己孭番,學佢話齌雖然係d細做錯,但佢職位高d人工高d就代表佢負o既責任係多d,至少班細o既做錯野佢都有疏忽囉,最多撐完之後自己在圍內再教個細o既而唔係第一時間篤人哋出嚟比老細罵囉。

 其實我都唔知幾時開始大家會覺得人工高就可以做少d,呢個想法好似有d問題咁喎...emoticon


[引用] | 作者 容子 | 15-03-06 | [舉報垃圾留言]

[8] Re:
黃龍 :
在地鉄車廂看到這單新聞的,有點諷刺。田北辰也算上高明之人,但改革者亡,自古比比皆是,保守派不是好對付。

還有一個原因,就是他勢孤力弱,其他董事局成員都是廢的。


[引用] | 作者 亞占 | 15-03-06 | [舉報垃圾留言]

[7] Re:
ming :
利用員工簽名,可恥﹗

直頭不知所謂,搞文革。


[引用] | 作者 亞占 | 15-03-06 | [舉報垃圾留言]

[6] Re:
紫水晶 :
好似好黑暗咁...

呢間九鐵真係好唔惦。


[引用] | 作者 亞占 | 15-03-06 | [舉報垃圾留言]

[5] Re:
金婆婆個頭 :
我覺得佢好識使手段!

呢個黎生直頭令香港人大開眼界。


[引用] | 作者 亞占 | 15-03-06 | [舉報垃圾留言]

[4]

在地鉄車廂看到這單新聞的,有點諷刺。田北辰也算上高明之人,但改革者亡,自古比比皆是,保守派不是好對付。


[引用] | 作者 黃龍 | 15-03-06 | [舉報垃圾留言]

[3]

利用員工簽名,可恥﹗


[引用] | 作者 ming | 14-03-06 | [舉報垃圾留言]

[2]

好似好黑暗咁...emoticon


[引用] | 作者 紫水晶 | 14-03-06 | [舉報垃圾留言]

[1]

我覺得佢好識使手段!


[引用] | 作者 金婆婆個頭 | 14-03-06 | [舉報垃圾留言]